Pynkup Burom ka NPP Sumer Circle ya ka Olivia Dkhar

Ka NPP Sumer Circle da pynkup burom ko ya ka Olivia Dkhar kawa man ka khon khynroo na ka chnong Khahnar kawa haap hapoh ka Elaka Sumer kawa da wanrah burom ya ka chnong ka thaw, ka Elaka wei kamjooh ya ka District deilang ka jylla Meghalaya deiwa yoh ar tylli ki takma ksiar wa kawi ka takma rupa ha ka National Arm Wrestling & Para Arm Wrestling Championships 2025.

Ha kani ka pynkup burom da emlang ka Santa Mary Shylla, MLA ka Sutnga Saipung kawa man leh kam ka Adviser ka NPP East Jaiñtia Hills, u Amnesty Salahe, u Daohi Manar wa kiwi de ki para dkhot.

Ya ka Olivia da e yarap leh da ka song poisa kam ka dak wow kyrchaan wei pynchlur ya ka khnang wa kiwi ki khynnah ki khynroo u boodluti ki wow wanrah burom chooh chooh ya ka District, ka jylla wa ka ri hi waroh kawi.

Related posts

Da em kiwa suba wa wan noh ya ki tadong pynlang snaam ha rood ka wah Myntdu

May 1, 2026

Chem kawi ka manbei yei khonboo wa dang kha wa noh ha rood sarok ka East Jaiñtia

May 1, 2026

Da kitbok kitrwiang leh ya ka Olivia wow nang lehbha chooh chooh ko ya ki kaam yong ka sam chakhmat.