Ujor kawi pyrchah ya u kurim wa kyrni hei dih kiad

Kawi ka bru wa 40 snem i rta kawa tip kam ka Vaishali da ujor FIR ko pyrchah ya u kurim ko ha ki pulit ka Nehru Nagar, Ahmedabad neidaw wa kyrni u hei dih kiad wei tip ko yeini heipor wa lai Honeymoon ki wei neitæ dang joor i dih u.

Kini ki ar ngut da bia ki ha u Kmaichonglad (Dec) 2022 wei da lai sah noh ki cha Nehru Nagar hadien 9 sngi wa da lai Honeymoon ki ha Mount Abu.

Heipor wa sah ki ha i Resort da khyrngiat ko wow yoo wa dih kiad u Mahesh (kurim) wei ini da pteiñ i man-ka-sngi yeiwa da murieh u chwa wow bia ki wa jooh dih kiad u.

Hawa liwan ki cha Ahmedabad, u Mahesh uwa da muaid da paan u wow yah ya ka kari tangwa hadien wa awri ki da yah ka Vaishali hadooh wa poi yung wei neitæ sam joor i dih wei pynawri u ka.

Related posts

Chongkun wei chongchit ka Marathon wow yaleh pyrchah yei Drugs wa da pynman da ka NPP 4-Mowkaiaw Constituency

January 26, 2026

Ha ka sien nyngkong pynyoo rong ka DRDO ya u Long Range Anti-Ship Missile

January 26, 2026

Ka Vaishali da yaichah ko yeini wei ha u Kmaichonglad 2023 da yoh ko ya u khon chynrang wei da yooluti ko wow miat wow bha noh u Mahesh tangwa oo wa kiwa ha-yung u da pyndik ki ya ka wei da dawa ki leh ya i yung wa Rs.1 klur na ka bei wow pa ko.

Hadien ini waroh da ujor noh ko ya ka FIR pyrchah ya u Mahesh wa kiwa ha-yung u.