Ha iwi i Video na Aurqiya District ka jylla Uttar Pradesh, uwi u chrieh da tooh u Rs 80,000 na thaw booh tiar ka Scooty wei da brait u ya kani ka poisa najrong dieñ cha ki paidbah.
U Anuj Kumar uwa na Dondapur da lai u wa u pa u, u Rohitash Chandra wow Register ya i thaw deiwa rah Rs 80,000 ka poisa ya kawa da thap hapoh ka Scooty. Katwa u Rohitash dang pynbiang kot u wa u muktiar, uwi u chrieh da wai u ya ka thaw booh tiar ka Scooty wei da chim u ya kani ka poisa wei da ku wot u ha uwi u dieñ.
Kiwa sakhi da ong ki wa uni u chrieh da pynjæt u ya ka poisa wei da brait u ka leh cha ki paidbah wa em ha wah.
Ha i Video yong ini wa jia, da yoo ya ki paidbah wa tia wei yaknieh ki ya kani ka poisa.
Hadien wa kut ini waroh u Rohitash da yoh u sa du Rs. 52,000 katwa ka Rs. 28,000 toh kawa da knieh ki paidbah næ wa da pynjæd u chrieh.
Ki paidbah da jooh ujor ki yei chah pynthut ha ki chrieh ha Bidhuna Tehsil heiwa da jooh chah knieh ki baam wei lada bakla kajiak ki chrieh hiar dait ki ya ki bru wei knieh wot ki ya ki tiar yong ki.
Discussion about this post