Yow lait u pynman Exam pynpoor kiwa lai puræ ya ka chithi wa yap ka Principal

Ki ar ngut kiwa lai puræ Bachelor of Computer Applications (BCA) ha ka Government Holkar Science College wa em ha Indore, MP; yow lait u pynman Exam, da chna ki ya ka chithi thok hei pyrtuid ka College kawa ong wa da yap noh ka Principal.

Kini ki ar ngut da tip kam u Mayank Kachhawa wa u Himanshu Jaiswal wei da leh ki yeini ha ka 14 tarik uni u bnai heiwa ha kani ka chithi wa em ka Letterhead ka College da ong wa ka Continuous Comprehensive Evaluation Exam kawa toh u pynman ha ka 15 wa 16 tarik uni u bnai da hap wow rah tarik ka neidaw wa wa yap ka Principal.

Kani ka chithi da sdang ko wow poor ha WhatsApp wa kiwi ki rynsan iwa da pynkulmar ya kiwa boon wa lai puræ kamjooh kiwa kreh kani ka College heiwa kiwa boon da ngait sakhiat ki yeini.

Ka Principal kawa tip kam ka Dr. Anamika Jain da sdang ko wow tip yeini hadien wa poi ki Message wa ki Phone heipor miet wow khana ya ka wa jia ini wa em kiwa ong wa da yap ko.

Related posts

Phah ka High Court wow kem ya u tre paar mooyong deilang kiwa pynkrehkaam | Hap wan pynche u DC wa SP hakhmat ka yung bichaar

February 6, 2026

Mih sa i pyrtuid kiwa mynsoo neiwa jia ha ka krem mooyong ha East Jaiñtia Hills

February 6, 2026

Ki pulit hawa takit yeini da kem ki ya ki ar ngut heiwa da chem ya ka sabut na ka Phone ki wei da pynngat ki hapoh ka Section 334(4) ka BNS kawa yatoh wa i chna thok ya ki kot ki sla yow dai sarom ya ki bru.

Neiliang ka College won da Suspend ko ya kini ki ar ngut 60 sngi hadien wa da e ki dei thoh wow phla yeini.

Kani ka College man ko kawa da rim bha kawa da seiñ nadooh u snem 1891 wei em ko hadooh 12,000 ngut kiwa lai puræ wei man ko leh kawi na ki Science College wa pawnaam ha Central India.