Ynne da jia ka Drama hakhmat yung u heh ka Rashtriya Janta Dal (RJD), u Lalu Prasad Yadav, heiwa uwi u heh ka RJD uwa tip kam u Madan Shah uwa da paan Ticket na Madhuban Assembly Constituency, da yaam wei da pynjæd u pyn ya ka sula u hadien wym yoh Ticket u na ka Party.
U Madan Shah da pynyoo paidbah u yei chrai deiwa pynjæd ya ka Kurta wei da thiah u ha sarok deiwa yaam deiwa joor bha hadooh wa wan ki bru paidbah wei da sdang leh u mih kulmar chibet chipor.
Ini wa jia da boon wa yoh u riñ Video wei da poor bha i, heiwa u Madan Shah da pynbaad u wa chah pyndooh Ticket u neidaw wym ye u wow su yow thied Ticket deiwa pynbaad leh ya u Rajya Sabha MP, u Sanjay Yadav toh uwa yaklam yow su da ka poisa neibynta ka Madhuban Seat heiwa da yoh ya ka Ticket da u Dr. Santosh Kushwaha.
U Madan Shah da ong u wa ka RJD da kyntait ko ya ki dkhot ka Party kiwa da kreh chitom da slem kam oo wei katni da jied ki du ya kitu kiwa biang tangka.
Ha iwi i Video da yoo leh ya u Madan Shah wa kdong u ya ka kari u Lalu Prasad Yadav heipor wa poi u hei thaw sah u ha Patna.
Kam wow pynkynmoo wa ka thap Vote ya ka Election ha Bihar u pynman ha ka 6 wa 11 tarik u November uni u snem.
Discussion about this post