Uwi na u moomær wow myntoi bha kiwa kreh ha ki chnat ka sorkar pyrdi, neiliang ka Union Cabinet wa khlieh da u Prime Minister Narendra Modi, ynnin da pdiang ko ya ka Terms of Reference (ToR) yong ka 8th Central Pay Commission (CPC).
I tyrwa (Recommendation) ka Commission daw ktah i ya ka tulop ki kamwa 50 lak ngut kiwa kreh hapoh ki chnat ka sorkar pyrdi kamjooh ki 69 lak ngut kiwa da chong-ngiah.
Ka sorkar pyrdi ha u Duyatra (Jan) uni u snem da pynbna ko wow seiñ ya ka 8th CPC wow puræ bniah ya i rukom su tulop wa ki myntoi wow e ya kiwa kreh ka sorkar pyrdi wei deiwa pdiang ya ka Terms of Reference, ka Commission daw sdang noh ko u krehkaam yow thooh bniah yei long i man.
Katkam ki kyntien ka Cabinet, ka 8th Central Pay Commission (CPC) u kynthup ko ya u Chairperson, uwi u Part-Time Member wa u Member-Secretary wei u e ko yei tyrwa (Recommendation) cha ka sorkar hapoh 18 bnai.
U Chairperson ka Commission toh u Supreme Court Judge warim, u Justice Ranjana Prakash Desai, u dkhot toh u Professor Pulak Ghosh na IIM Bangalore katwa u Petroleum Secretary u Pankaj Jain kam u Member-Secretary.
Discussion about this post