Mynjur ka sorkar pyrdi ya ki kyndon krehkaam ka 8th Central Pay Commission yow pynthymme ya ka tulop ki 50 lak ngut

Uwi na u moomær wow myntoi bha kiwa kreh ha ki chnat ka sorkar pyrdi, neiliang ka Union Cabinet wa khlieh da u Prime Minister Narendra Modi, ynnin da pdiang ko ya ka Terms of Reference (ToR) yong ka 8th Central Pay Commission (CPC).

I tyrwa (Recommendation) ka Commission daw ktah i ya ka tulop ki kamwa 50 lak ngut kiwa kreh hapoh ki chnat ka sorkar pyrdi kamjooh ki 69 lak ngut kiwa da chong-ngiah.

Ka sorkar pyrdi ha u Duyatra (Jan) uni u snem da pynbna ko wow seiñ ya ka 8th CPC wow puræ bniah ya i rukom su tulop wa ki myntoi wow e ya kiwa kreh ka sorkar pyrdi wei deiwa pdiang ya ka Terms of Reference, ka Commission daw sdang noh ko u krehkaam yow thooh bniah yei long i man.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na u Sniawbhalang Dhar

October 25, 2026

Katkam ki kyntien ka Cabinet, ka 8th Central Pay Commission (CPC) u kynthup ko ya u Chairperson, uwi u Part-Time Member wa u Member-Secretary wei u e ko yei tyrwa (Recommendation) cha ka sorkar hapoh 18 bnai. 

U Chairperson ka Commission toh u Supreme Court Judge warim, u Justice Ranjana Prakash Desai, u dkhot toh u Professor Pulak Ghosh na IIM Bangalore katwa u Petroleum Secretary u Pankaj Jain kam u Member-Secretary.