Yoh ka Amtapoh Govt. L.P. School kawa da seiñ ha u snem 1957 ya ka yung skur wa thymme

Ka yung skur wa thymme ka Amtapoh Government Lower Primary School, kawa da seiñ ha u snem 1957 wei kawa em kattæ 131 ngut ki khynnah wa soo ngut kiwa sikai nadooh Pre-Nursery hadooh Class V, da wai ka ha ka 29 tarik da u Montri ka chnat puræ puthi, u Lahkmen Rymbui.

U Montri hawa e yei klam da ong u wa hei lai luti u wow pait ya ki kaam puræ puthi nadooh u snem 2018, iwi na iwa nyngkong dooh wa leh u toh yow pynlait ₹4.5 lak cha ka SSA Upper Primary School Fund neibynta u Secretary ka Amtapoh.

Da yaroh u leh ya u Montri Rangbah, u Conrad K. Sangma yeiwa booh u hakhmat ya ka puræ puthi heiwa ka Literacy Rate ka Meghalaya kattæ da tam ko 90% deiwa ya krehlang wa waroh kiwa emkti.

Da pynbna u leh wa ka Mission Education-4 daw sdang noh ko ym slem de yow chna pynmiat ya ki yung skur ka sorkar heiwa daw yoh myntoi ka Umladkhur wa ka Lamin Government L.P. School.

Related posts

U Waheh Chnong wa Asst. Waheh Chnong ka Mynkrem u wan paan-maap ki hapoh le sngi: Dorbar Elaka Shangpung

August 5, 2026

Pynbna ka IMD da ka Red Alert wa Orange Alert

August 5, 2026

Da klam u leh chaphang i pynkhreh ka sorkar wow pynpliah ya ka Grant-in-Aid, ka tulop wa i pynthymme yei rukom kheiñ ya kiwa sikai SSA khamtam ka tulop ki nadooh u March 2026.

Ha kani ka yalang da pynbna u leh ₹5 lak na ka MLA Scheme u wa ₹1 lak won na kata u neibynta i pynkhreh ya ka Church of God Jingiaseng Nongtrei Convention 2027.