Dawa ka seiñ JRC wow pynyoh smat ya u LGD Code ka chnong Mowluber yow yoh ko yei myntoi kamwa toh u yoh

Ka seiñ Jaintia Revolutionary Council (JRC) Central Body hapoh i yahkhmat u President, u Leaferdinand Suiam deiwa emlang u Vice President, u Artist Sari, u General Secretary, u Heipor Saioo wa u Working President, u Thmu Hadem, da lai yachem ki ya u Deputy Commissioner ka West Jaiñtia Hill hajrong ka yurim wa pynslem u e ya u LGD Code ya ka chnong Mowluber.

Neidaw wym em u DC, da yachem wa ka V. Kezo, SDO Sadar West Jaiñtia Hills heiwa da pynsñiaw wa i pynslem wow e ya u LGD Code yong ka chnong Mowluber da wanrah ko yei dooh yei myntoi wa toh u yoh ko.

Katkam ka chithi wa da yoh na u Mission Director ka State Rural Employment Society wa u Mission Director ka Community and Rural Development Meghalaya wa da phah cha u DC ka West Jaiñtia Hills hajrong ka yurim wow e ya u LGD Code yong ka chnong wa da phah nadooh u snem 2024 khnang yow ye u pynkrehkaam ya ki Scheme sorkar khamtam ka Job Card, tangwa hadooh kattæ neiliang ka yung krehkaam u DC ym pu e ko ya u LGD Code ka chnong Mowluber.

Neiliang ka Kezo da ong ko wa daw yaklam wa u DC wa ki sahep sorkar wa toh u pait ya ka chnat C&RD wa ileh wa pynslem wow e ya u LGD Code cha kani ka chnong wei daw pyntip won cha ka seiñ.

Related posts

Dang yang ya ka Report na ka NEIGRIHMS heiyatoh wa i chah pynbaad u Nurse wa leh khlem akor ya ka khynnah: Wailadmiki  

July 15, 2026

I kyrpaad wa i maham na ka Dorbar Chnong Chutwakhu ya kiwa wan cha ka World Cup Fan Park

July 15, 2026

Neiliang ka seiñ da kyntu ko ya ka yung krehkaam u DC wow pynsmat wow e ya u LGD Code neibynta ka chnong Mowluber yow yoh myntoi ka chnong kamwa toh u yoh ko.