Ka kynthai wa em 40 snem i rta kawa da mynsoo joor bha heipor wa thmu uwi u khynnah wa dang 14 snem wow slaitbor ka, da khlaad noh ko hapoh ka Hospital wa em ha Chandigarh ynnin ka sngi.
Kani ka bru kawa da em kurim, da thmu ko wow chah slaitbor ha ka 3 tarik uni u bnai ha chnong Hamirpur wei hadien wa jia ya ka da kit ka cha Post Graduate Institute of Medical Education and Research (PGI), Chandigarh.
Kani ka kynthai da ieh ko chadien ya u kurim uwa kreh kam u Chowkidar sorkar wa i khon wa duna ha i doh i pran.
Katkam wa khynna ki pulit heipor wa jia ini, kani ka bru dang ah phlang ko ha kawi ka lyngkha heiwa da wan u khynnah wa puræ Class-9 uwa da pynmynsoo ka heipor wa thmu u wow slaitbor ka tangwa da ye ko yaleh pyrchah hanla da pynemkaam u da u dieñ wa ka wait ah phlang wei i mynsoo ko toh iwa da joor bha.
Da yoo ya ka da ki bru wa lai luti wa thiah ko ha kani ka thaw deiwa mih snaam wa joor bha kiwa da lai pyntip cha ki pulit heiwa da kit ka nyngkong cha Hamirpur Medical College wei hadien won da rah cha PGI Chandigarh.
Ki pulit da chem ki ya u khulom wa da kheiñ wa u Scale iwa man kam ki sabut wow chemdien ya uni u khynnah heiwa da yoo leh ya oo lyngba ka CCTV wa em ha kawi ka yung hajan ini i thaw wa jia heiwa da lai kem ya oo wei da phla u wa leh u yeini i kaam wei da phah wow booh oo hapoh ka Juvenile Home.
Discussion about this post