Jowai : U Chief Minister ka Meghalaya Dr. Mukul Sangma hadien wa beiñ ma beiñ u ya u Prime Minister ka ri u Narendra Modi, ka BJP State Unit ynne da ong ko wa u Mukul da yalam bakla u ya ka jylla hei yatoh wa ka Demonetisation ha ka “Jan Vedna Sammelan” wa da pynman ha Resubelpara, North Garo Hills.
“Ka sorkar u Narendra Modi da man ko kawa da pynkhreh nadooh ka sngi nyngkong hawa chim ko ya kani ka rai ka wow ktah leh ya ka poisa tooh wei da booh leh ya ka Special Investigation Team (SIT) kawa kreh katkam wa phah ka Supreme Court. U Modi leh da pachat u ha ka G20 ha Brisbane wow yakrehlang wa ka India hei yatoh wow pynmih ya ki pyrtuid ki bru wa booh poisa cha baar ri yow lait ki na ka dan (tax) wei ka ri leh da booh ko ya ka aiñ wa lada em kiwa murieh poisa kamni u chah daiñ kuna ki hadooh 60% namo u chah kset hadooh 10 snem” da ong ka BJP.
I thmu ka sorkar toh wow wanrah ya i rukom pyllai poisa ki bru hapoh ka ri hanlada ini pynthut i tangwa i kylla hi dei langær jooh wanrah i yei thut tangwa emkaam leh wow pynchitom ya kiwa leh thok ha ki kaam poisa.
“Ka rai u Modi wow chim ya ka rai wow pyndam ya ki kot poisa wa T. 1,000 wa T. 500 emkaam u man u u bru uwa chlur wei embor wow leh yeini iwa ye u wanrah ya i chah beiñ wa chipor donhi” da ong u Basu Chakraborty, Spokesperson ka BJP State Unit.
Ka seiñ da ong ko wa i por wa thut wa yachem ya i eh i khoo da sdang kut i kattu wei ka yaw ka hat (Economic activity) da sdang wan dur biang i, ha ki bank da em poisa biang yow e yarap neibynta i roi i paar, ka poisa da ki phaw lak klur ka wym biang jingkheiñ da psiah biang ko cha ki bank wei kattu ka yaw ka hat leh daw hoi noh ko wei u man ko kawa khooid.
“I yaphær hapyrdi u Prime Minister Narendra Modi wa u Rahul Gandhi da che kdar neibhah u Prime Minister pyrkhat u ya ka mynried katwa u Rahul Gandhi won thooh laad heh u wa kammon u pynthut ya ka dorbar wow wan ha Parliament” da ong ka BJP.
Also Read: Ka sorkar u Modi toh kawa pyrchah ya ki paidbah : Congress
Discussion about this post