Daw pynman ya ka Run For Democracy ha Jowai, Amlarem wa Khliehriat

Ka yung krehkaam u Deputy Commissioner, West Jaiñtia Hills District, Jowai deiwa ya krehlang wa ka yung krehkaam u District Sports Officer, West Jaiñtia Hills District daw pynman ki ya ka Republic Day Run waka Run for Democracy -2026 neibynta ki chynrang wa kynthai (Open Category) kawa daw sdang na Main Gate ka Kiang Nangbah Stadium(Starting point) – Ladthadlaboh Main Road – Kiang Nangbah College – Bypass – Myntdu Bridge – Amlarem Bypass – Stand War – D.C. Office –  New Hill – National Highway – Kiang Nangbah Indoor Stadium (Finishing point) ha ka 26 tarik u January, 2026 heipor 7:00 waje i step.

Kiwa kwah wow chimbynta ye ki wow wan e pyrtuid ha Kiang Nangbah Indoor Stadium, Jowai heipor 6:00 waje i step. Da pyntip leh wa kiwa jop daw yoh ki da ka song poisa.

Ha Amlarem won, neiliang ka yung krehkaam u Sub-Divisional Officer (Election), Amlarem Sub-Division, daw pynman ya ka Run for Democracy ha ka 23 tarik uni bnai heipor 6:00 waje i step kam chibynta wow lehkmen 16th National Voters’ Day.

Yei phet u sdang na khyrdop ka SDO (Civil) Office, Amlarem wei kiwa chimbynta toh u man ki du kiwa chong chnong wa kiwa thap Vote yong ka 7–Amlarem (ST) Assembly Constituency, wei daw pdiang du 70 ngut kiwa chimbynta deiwa chim ya kiwa smat u wan chwa.

Related posts

Khut ka sorkar wow yaleh ya ka Sports Scholarship

January 22, 2026

Pynjop u khynnah ka Jaiñtia Hills ya ka Assam Warriors Sports Academy

January 22, 2026

I luti phet neibynta ki Junior wa Senior Category (chynrang wa kynthai) toh nadooh SDO (Civil) Office cha Ladjaplem deiwa uiñ biang cha SDO Office. Neibynta ka Sub-Junior Category (ki khynnah hapoh 14 snem), ka luti phet toh na SDO (Civil) Office cha ka Office u Block Development Officer, Amlarem C&RD Block wei deiwa uiñ biang cha SDO Office.

Ya kiwa jop daw yoh ki da ka song poisa.

Ha Khliehriat, East Jaiñtia Hills leh kam chibynta ka National Voters’ Day 2026, neiliang ka yung krehkaam u Deputy Commissioner (Election) deiwa ya krehlang wa ka yung krehkaam ka District Sports Officer (DSO), East Jaiñtia Hills District daw pynman ki ya ka Open to all Marathon ha ka 23 tarik uni u January heipor 6:00 waje i step.

Ya ka Marathon daw sdang na yung krehkaam warim u Deputy Commissioner, East Jaintia Hills District cha Rymbai PHC wei deiwa dong biang cha thaw wa sdang yow pynkut.