Chi rta phah kset ka yung bichaar ya uwa thang ya ka kurim hadooh wa yap

Ka yung bichaar u Sessions Judge, Jowai, u N. A. Khan da rai pynrem ko ya u Stam Surong heiyatoh wa ka Sessions Case No. 37 of 2015 deiwa phah kset oo waroh chirta neidaw wa pynyap u pyn ya ka kurim u deiwa thang ka.

Kani ka Case toh kawa mih lyngba ka FIR wa da booh da u Barwill Singh Sari ha u In-Charge ka Ummulong Beat House deiwa ong wa ha ka 08-09-2006 heipor kamwa 5:00 waje i step, u Stam Surong da pynyap u ya ka kurim hi u, ka Before Sari, deiwa thang ka hadien wa theh phniang charak pyn hapoh i yung wa sah ki.

Chwa wow khlaad ko, da khana lut ko ya waroh i jait iwa jia cha kiwa ha-yung ko wei ya kani ka Case da Register ha Jowai P.S. Case No. 104(9)06 U/S 302 IPC heiwa da takit wei Charge Sheet da u SI A. Rymbai.

Ka yung bichaar hadien wa pait ya waroh ki jait da rai pynrem ko ya u Stam hapoh ka Section 302 ka Indian Penal Code deiwa phah kset oo waroh chi rta deilang ka kuna wa Rs. 5,000.

Related posts

Mynsoo joor i khonboo wa chah dait ha u ksaw Pitbull

September 18, 2026

Ka Anniversary ka Balang Unitarian toh yow pynthymme yei ngait wei sñiawthooh: R. Lamar

September 18, 2026