Kiwa yah kari kamai hapoh ka satri ka Meghalaya Joint Co-Ordination Committee of Passengers Vehicle, ynne ka sngi da yachem ki wa u Dy. CM, u Sniawbhalang Dhar uwa pait leh ya ka chnat Transport wow dawa pyndam u pyndait ya u Vehicles Location Tracking Device ha ki kari kamai.
U Paila K. Lyngkot, President ka All Jaiñtia Commercial Vehicle Association da ong u wa i pyndait ya uni u tiar da booh ko hei eh ya ki tre kamjooh kiwa kamai.
Da ong u wa katni ka sorkar da pyndam ko wow pyndait ya uni u tiar ha ki kari wa kamai hapoh ka jylla heiwa ym emkaam de ki wow su hawa pynthymme ya ki kot kari.
Neiliang u Wandonbok Jyrwa da ong u wa i rukom im kiwa yah kari kamai na kani ka jylla wa kiwi yaphær ko heiwa da mantre ya ki kari pyn da kiwa yah katwa chawi won da ki Agency næ Company.
Da pynsñiaw u yei kmen wa neiliang u Minister ka chnat Transport da kular u 100% wow pyndooh ya ka hukum warim.
Discussion about this post