Ki kynhun tre Truck na Ri-loom Jaiñtia kiwa haap hapoh ka seiñ Jaiñtia Hills Truck Owner’s Association (JHTOA) ha ka 3 tarik uni u bnai da pynman yalang ki ha thaw krehkaam ka Kur Phawa-Siangshai-Papiah-Lyngdoh Phawa wa em ha Khliehwah Sahsniang Ïalong, West Jaiñtia Hills District, hadien wa da mih i wym ya sñiawthooh yumut ki wa u President, u Biangshwa Shylla deiwa ya pynbaad wei pynche markylliang ha kini ki sngi wa dadep, wei chwa kani ka sngi man yalang leh kini ki tre Truck da kyrpaad ki ya u President wow wan emlang u wa ki neibynta u ya pynbait ya ki kaam ka seiñ tangwa ym em poi u.
Katkam i pyntip u Balen Thubru, da ong u wa ha kani ka yalang da ya rai ki wow pynman syndon noh i ya thap Vote jied President thymme ha ka 9 tarik uni u bnai February neibynta ka seiñ JHTOA.
Da pyntip u wa kiwon kiwon ki kyrtong wa kwah u yakhun ya kani ka Election President JHTOA, u wan chimbynta ki ha katai ka sngi ha deilang ki Polling Agent yong ki, nadooh i por 11:00 waje i step ha kani ka jooh ka thaw.
Wei neibynta kani ka Election ong u daw pyntip leh cha ki bor sorkar yow pylnai bait ya ka.
Heiyatoh wa katai ka sngi thap Vote jied President thymme, da kyntu biang ki leh ya u President ka JHTOA, u Biangshwa Shylla wow wan ya chimbyntalang u.
Discussion about this post