Chimbynta ki khynnah ka West Jaiñtia Hills wow ap u sñiaw yei sneiñ i kroo u Modi

Ka Pariksha Pe Charcha toh ka thong wa kyrpang yong ka sorkar India lyngba ka Ministry of Education, heiwa u Prime Minister ka ri, u Narendra Modi yaklam u markhmat wa ki khynnah skur, deiwa e i sneiñ i kroo, ki buit ki budia wei e bor e mynsien ya ki khynnah chaphang kammon u man kiwa jop hei lailuti yong ki khnang yow poi cha ka thong i jop hei puræ puthi. 

Kamwa man ha kylleiñ ki District ka ri India ha kani ka 6 tarik, ki khynnah skur ha West Jaiñtia Hills District leh da ya chimbynta ki wow sakhi ya ka 9^th Edition Pariksha Pe Charcha 2026 næ i yaklam kyrpang u Narendra Modi wa ki khynnah kawa da pynman ha Dorbar Hall ka Loompyrdi Iongpiah dei yakrehlang hapyrdi ka District Mission Coordinator, SSA wa ka District School Education Officer, West Jaiñtia Hills.

Related posts

Markhmat wa ki paidbah yaklam u Wailad yow ap yeiwa chem chitom ki na ka Scheme MHIS wa PMJAY 

September 19, 2026

Ka Meghalaya toh kawi na kiwa miat dooh ha pyrthai, daw ku i wan ki Tourist na baar ri, ong u Montri khynnah ka sorkar pyrdi

September 19, 2026

Neiliang ki khynnah skur hadien wa da kut i yaklam u Prime Minister wa ki khynnah, lyngba ka Interaction Session wa da pynlai da u S.D. Laloo, DCCM, SSA West Jaintia Hills, da yohlaad ki leh wow ya chimbynta næ u khana pynsñiaw yei chem wei myntoi wa yoh ki lyngba kani ka yalang wei da ong ki leh wa man ko kawa e myntoi ya ki khamtam heiyatoh wei puræ puthi wei kammon u man ki khynnah kiwa ye u yaleh pyrchah yei eh i khoo kiwa man ki moochynthut hei im yong ki kam ki khynnah skur.

Chooh chooh chwa wow poi ka bynta wa khaddooh da yoh leh i klam e mynsien ya ki khynnah na ka Ioomiatmon Dkhar, kawa sikai ka Seinraij Higher Secondary School, Jowai.