Ujor u DGP warim ka Assam deilang ki le ngut ha Supreme Court pyrchah ya u Himanta Biswa Sarma

Ha ka mukotduma wa ujor thymme ha Supreme Court hapoh ka Article 32, da dawa wow pynchitom ya u Chief Minister ka Assam, u Himanta Biswa Sarma hajrong i klam u pyrchah ya ki Bengali Muslim ha ka jylla.

Ya ka mukotduma da ujor da u Dr. Hiren Gohain deilang u DGP warim ka Assam, u Harekrishna Deka, u Editor-in-Chief ka Northeast Now, u Paresh Chandra Malakar wa u Muktiar u Santanu Borthakur.

Kini ki soo ngut da ujor ki wa u Himanta da klam u ya ki kyntien wow yachoon lyngba ki Social Media iwa da ktah yei chongsuk wa i kamai ki khian paaid.

Related posts

Mih noh u Mohendro Rapsang napoh ka NPP

February 11, 2026

Yoh ka Tura ya ka Skate Park

February 11, 2026

U Muktiar, u Rupali Samuel da khana u wa kani ka mukotduma dang neh ko ha u Chief Justice of India, u Surya Kant, heiwa da kyntu wow bichaar noh ya ka wut-wut.

Ha ka mukotduma da ong wa u Himanta da klam u pyrchah ya ki Bengali Muslim deiwa khut ya ki kam ki Miya wei da chah kyntait ki ha i khayi i kamai kamjooh ha ka imlang sahlang.