Pynlait ka NEC Rs. 9.6 klur ya ka jylla Meghalaya

Ka North Eastern Council (NEC) da pynlait ko Rs. 5,69,53,000 neibynta ki kattu katni ki Project ha Meghalaya ha u January 2026, wei kini ki Project kynthup ki nadooh i chna yung skur, ki thaw sumaar wa kiwi. 

Ka poisa kynthup ko wow chna ya ka yung skur ka RKM School, Nongjngi Nartiang, ka 1.5T MRI Machine ha Tura Civil Hospital, i chna ya ka R.K Mission School, Sohra wei wow pynmiat ya ka Williamson Sangma State Museum ha Shillong.

Chooh chooh hapoh ka NESIDS (Roads), da pynlait Rs 3.91 klur neibynta ki sarok ha ka jylla nadooh u sarok Shillong cha Umroi Airport wow myntoi 7,287 ngut wa ki 10 tylli ki chnong.

Ka NEC da pynlait ko leh Rs. 81,50,78,461 cha ki jylla ka Northeast ha u January 2026, iwa pynyoo yei kaam ko neibynta i roi i paar ka thaaiñ.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

The North Eastern Council (NEC) da pynlait ko leh Rs. 32,59,10,251 cha ki Central, Regional wa kiwi de ki Agency wa kynthup cha ki Educational Institution wa Cultural Organizations ha u January 2026 hi.

Kini ki Project kynthup ki ya ka jaitbru Koireng ha Manipur wow puræ yei ktien wei rukom im ki nadooh i chna yung skur, Hostel, Science Labs ha Mizoram, Assam wa Manipur, ka Multipurpose Convention Center wa ka Space Exhibition Facility ha NESAC neitæ won wow chna ya ki Tourist Circuit ha Senapati District, Manipur wa kiwi.