Heiyatoh wa i pynkrehkaam ya ka Ride Shillong e-Bike ha u bnai August ynnin u snem kiwa da pynlait paidbah da u Montri Rangbah, neiliang u Adelbert Nongrum, MLA da kylli u ynne hapoh ka yung dorbar hadooh katwon pynlut ka sorkar, katwon tylli wa da thied wei lada tip ka sorkar wa boon na kini ki Electric Cycle kiwa em kamwa 13 tylli toh kiwa da sih wei kiwa da ieh hi-eh kamtu khlem da pynemkaam de.
Hawa e yei jubab yeini da u Sniawbhlang Dhar uwa pait leh ya ka chnat Urban Affairs, da pyntip u wa kani ka Ride Shillong e-Bike ymtoh kawa da pynlut da ka sorkar wei ki 20 tylli ki Electric Cycle toh kiwa da chim wai hapoh ka SUM-ACA (Sustainable Urban Mobility-Air Quality, Climate Action and Accessibility) Project.
Da pyntip u leh wa ya kani ka Project da pynkrehkaam da ka Urban Affairs Department deiwa kyrchaan ka GIZ (deutsche Gesellchaft fur International Zusammenarbeit) kam chibynta ka SUM-ACA (Sustainable Urban Mobility-Air Quality, Climate Action and Accessibility) Project.
Da pyntip leh wa ya kini ki Electric Bicycle toh kiwa da wanrah da ka Chartered Bike Pvt. Ltd. kawa na Ranchi, Jharkhand.
U Sniawbhalang da pyntip u leh wa ka sorkar ym tip ko yeiwa em kini ki Electric Cycle kiwa da sih.
U Adelbert da kylli u wa kammon da wanrah ya kini ki Electric Cycle hawa tang ka luti wa kyrpang leh ym em neibynta yong ki ha Shillong.
Neiliang u Sniawbhlang da jubab u wa ha New Shillong em hi ki luti wa da chna kyrpang neibynta kiwa yah Cycle.
Hawa yarap e jubab, neiliang u Montri Rangbah, u Conrad Sangma da ong u wa yeini da leh dei thmu wow wanrah iwa thymme tangwa waroh iwa wanrah ka sorkar ym ye u man iwa krehkaam bait 100% wei lada em i rukom pyrkhat du wow beiñ donhi ymtoh iwa bha neibhah ym ye wow pyrchang iwon iwon iwa thymme yow ye u lai chakhmat.
Discussion about this post