Dei thmu wow pynku wei yarap yeiwa emkaam paidbah, neiliang u Symbood Montri Rangbah, u Sniawbhalang Dhar uwa man leh kam u MLA ka Nartiang, da e kti u ya ka poisa wa Rs. 6 lak kam chibynta wow chna wei pynbha pynmiat ya ka Community Hall yong ka Dong Iawpynsiñ, Ummulong.
Ya kani ka Work Order da pdiang da ki Executive Member yong ka Dong Iawpynsiñ hapoh i yahkhmat u Abutnelson Muksor uwa man kam u Chairman ka dong.
Ini i yarap man ko kam wow kyrchaan yei angnood wow yoh ya ka Community Hall kawa bha wa miat yow pynman ki yalang wa kiwi de kiwa emkaam kiwa chong chnong.
U Chairman wa ki dkhot yong ka dong da pynsñiaw ki yei sñiawngooh wa khroo ya u MLA hajrong i yarap yong oo ha i roi i paar ka dong.
Da kular ki leh wow pynemkaam hok ya kani ka poisa neibynta i myntoi yong waroh kiwa chong chnong.
Discussion about this post