Hadien wa sdang i kynaad ha thaaiñ Middle East, ka India da sdang chaniah biang ko yei phniang na Russia neidaw wa da khang ya ki jhaad kit mar kit phniang wow lai na Strait of Hormuz da ka Iran.
Kamwa 40% i phniang wa thied ka India toh iwa kit ki jhaad wa hap lai luti na kani ka Strait of Hormuz tangwa ka thma ha ka thaaiñ da pynthut ko yei wan ki jhaad kit phniang cha kiwa boon kiwi ki ri. Kamtæ da sdang biang ko wow chaniah yei phniang na ka Russia.
Katkam ka yutip wa ki laad booddien (Tracking) ya ki jhaad ha duriaw da chem wa ki jhaad kit phñiang na Russian wa wan ki cha India.
Ini da wan i leh hadien wa kawi ka thaw pynkhooid phniang (Crude Oil) namo ka Oil Refinery wa em ha India wa tip kam ka Mangalore Refinery & Petrochemicals (MRPL) da hap ko wow pynsangeh ya ki kor ko hadien wa da duna poi i phniang yow pynkhooid.
Em leh kiwa ong wa ha India kattæ em Crude Oil ko yow pynmih Petrol wa Diesel ka wow neh 25 sngi donhi tangwa ini khlem da kheiñ ya ka Special Petroleum Reserves.
Hajrong ini waroh ka Russia da pynkhreh ko wow phah 9.5 million barrel i phniang (Crude Oil) cha India.
Ka India da pynduna ko yei chim phniang na ka Russia ha u January hadien wa pynkrehkaam u Donald Trump da ki dan yow pynbor ya ka India wow dam noh u chim phniang na Russia.
Discussion about this post