Ym em pynkylla tarik ka sorkar ya ka Election MDC ka GHADC

Ka sorkar Meghalaya lyngba ka District Council Affairs Department hawa pynmih ya ka pynbna pynman Election MDC ka GHADC, ym em da pynkylla ko ya ki tarik kamwa dadep pynbna ini wa dep.

Ka pynbna namo ka Notification wa da pynmih katkam ka hukum u Lat ka jylla, da ong wa hadien wa dadep pynmih ya ka Draft Electoral Roll wei hadien won ka Final Electoral Roll neibynta ki Constituency ka GHADC ha ka 6 tarik uni u bnai, kamtæ da khut wow pynman noh ya ka Election ka Council.

Da booh ya ka 16 tarik uni u March hadooh 3:00 waje noh chariñ kam i por wa khaddooh wow thap pyrtuid ki kyrtong wei nadooh ka 3:00 waje kani hi ka sngi daw pynman ya ka Scrutiny ki kot ki sla.

Ka 17 tarik u March won u man ko ka sngi wa khaddooh wow kynrandien.

Related posts

Pynbna ka BCCI ya ka song poisa wa Rs.131 klur ya ka Team India

March 10, 2026

Khlaad ka manbei wa chah yooh ha ka Truck hadien wa haap na ka Scooty wa yah u kurim ha Nongthymmai

March 10, 2026

Ha ka 18 tarik u March won u pynmih yei pyrtuid ki kyrtong wei daw e leh ya ka chap yong ki.

Ka sngi thap Vote won u pynman ha ka 10 tarik u April nadooh 7:00 waje i step hadooh 4:00 waje i janmiet.

Ka sngi niaw Vote won u pynman ha ka 14 tarik u April.