Da e kti ka sorkar 22.5 Acre i thaw cha ka AAI yow pynheh ya ka Shillong Airport

Ka sorkar Meghalaya da e kti ko hadooh 22.5 Acre i thaw cha ka Airports Authority of India (AAI) yow pynheh ya ka Shillong Airport wei yeini da pyntip da u Additional Advocate General (AAG) u K Khan hawa e kti ya ka bui (Report) wa pynkhreh u Joint Secretary In-charge Transport Department ha ka Meghalaya High Court ynnin ka sngi.

Ka Chief Justice, ka Revati Mohite Dere wa u Justice W Diengdoh da bichaar ki ya ka mukotduma heiyatoh wa ini i kaam.

Da khana leh wa u Deputy Commissioner ka Ri-Bhoi District wa ki heh chipai (Defence) da e ki 11.75 Acre wa 10.30 Acre i thaw cha ka Transport Department ha ka 28 tarik u January wa ha ka 27 tarik u February.

Kamtæ ya kini ki thaw da e kti cha ka Airports Authority of India ha ka 6 tarik u March wei ka Transport Department da e salan ko 7.7255 Acre i thaw cha ka Defence Estate Officer, Guwahati Circle ha ka 6 tarik u March.

U Deputy Solicitor‑General, u N. Mozika, da ong u wa daw emkaam sa kattu katni por neibynta wow yoh ya ka Environmental Clearance wow pynheh ya ka Shillong Airport.

Related posts

U pteiñ wow kset ya ka Strait of Hormuz: Mojtaba Khamenei

March 13, 2026

Hær rngu ki bru hadien wa chem kuli na i thaw wa em ka Mosque ha Garo Hills | Ngat Case u pulit

March 13, 2026

Da pyntip u leh wa ya i kreh wei pynwandur ya ka Airport da pdiang da ka DGCA ha ka 27 tarik u January 2026.

Ka High Court da e por ko ya ka sorkar wa ka DGCA wow khana ya ki tarik wa thmu ko wow pynkreh yei pynheh ya ka Airport hawa chong bichaar biang ko ha ka 24 tarik.