Iwi i Video wa da riñ na i Petrol Pump ha Villupuram, Tamil Nadu da poor i ha Social Media wei da boon wa kylli lada em hok wow leh kamni katkam ki aiñ ka ri.
Ha i Video da yoo ya u bru wa chong ha ka thuk-thuk ha Petrol Pump wei da thied phñiang u ha u klong um wa 20 litre.
Hadien ini da wan sa uwi u bru wa kwah u pyndap ya u klong um Plastic wa 2 litre.
Ini i Video toh iwa da booh chwa ha YouTube tangwa da poor i ha Social Media deiwa kylli lada em hok wow leh kamni.
Katkam ka Petroleum Act 1934 wa Petroleum Rules 2002 (PESO), ya i Petrol ye u thæh du ha ki Jerrycan wa chna da ki Tin næ ki tiar wa chah ka aiñ wei samen ye u thied hadooh 30 litre. Ki tiar Plastic ye ki wow khoh næ pai iwa ye u wanrah yei diñ.
Discussion about this post