Palat 7000 tylli ki Cylinder ha ka chi sngi wa pynpoi cha ki paidbah ha Meghalaya, ong ka sorkar

Ka Directorate of Food, Civil Supplies & Consumer Affairs ka sorkar Meghalaya da kyntiat ko hadien wa em kawi ka kot khubor na Shillong da pymih khubor ko wa ka jylla da sdang ko wow lut ki tadong LPG.

Ka chnat da ong ko wa ki Domestic LPG man ki kamwa jooh man hi wei da pyntikna wa waroh kiwa toh hok u yoh da yoh ki yeini khlem da thut wei da booddien leh ka jylla lyngba ki State wa District LPG Committee chirup deiwa ya krehlang wa ki Oil Marketing Companies.

Da pynche leh wa ki LPG ha Meghalaya da lai katkam wa pynmih hukum ka sorkar India yow booh bhah nadooh ka 11 tarik uni u bnai wei man ki kiwa dap wa biang hadooh ka 20 tarik heiwa da em i thut iwa chibet chipor neidaw wa em i pynkylla ya ka Policy, i phah leh e-KYC, i artatien kiwa man kam ki Distributor wei da em leh kiwa pynpoor ya ki khubor wa yahbakla hadooh wa hær rngu ki paidbah wei da kylla leh yei rukom leh Booking wei i pynpoi tadong Gas chibet chipor donhi.

Hadien ka 24 tarik won da lai bait biang i kaam heiwa da ye wow pyndap yeiwa emkaam ki manyung mansem.

Ka Directorate da pynche ko leh heiyatoh wa ki Commercial LPG wa em ki kyndon wa booh ka Ministry of Petroleum and Natural Gas hadooh katwon wa hoi u pynlait wei neiliang ka sorkar Meghalaya da yaklam ko wa ki heh dooh ka sorkar pyrdi wow chah u pynlait chooh chooh kini ki Commercial LPG katkam wa emkaam ka jylla.

Yeini da kyrpaad deiwa e daw wa ki kaam Tourism wa ki Hotel kamjooh kiwi ki thaw sah toh kiwa da chah ktah neibhah wym em PNG hapoh ka jylla wei ymtoh iwa suk wow pynpoi ya ki tadong LPG cha kani ka thaaiñ wa man loom.

Da pyntip leh wa nadooh ka 25 hadooh ka 27 tarik uni u ban da pynpoi 22,094 tylli ki Domestic LPG Cylinder ha kylleiñ ka jylla wei ha ka chi sngi da pynpoi 7,300–7,400 tylli iwa man kamwa jooh man hi nachwa.

Da pynboon leh yei wanrah Cylinder deiwa wan hadooh 30 tylli ki Truck ha ka chi sngi. Ki Commercial LPG leh da sdang wow pynpoi ki kamwa jooh deiwa saam 190–200 tylli ki Cylinder ha ka chi sngi iwa pynyoo wa da sdang biang.

Related posts

Daw pynchna thymme ya 680 tylli ki yung skur wa em hapoh Meghalaya

March 28, 2026

11 tylli ki chnong ka East Jaiñtia Hills wa man kam kiwa da lait nei kjut TB

March 28, 2026

Yei daw won wa yoo kamwa boon bru wa yaknieh Cylinder da ong wa neiliang ka sorkar da ong ko wow leh ya ka Home Delivery tangwa em ki bru kiwa da kwah wow mih hi da ki yow lai chim Cylinder iwa da yoo lakam wa duna ki LPG.

Ka Directorate da e ko leh ya u Tollfree No. 1967 wa u WhatsApp No. 9402327737 lada emkaam ki bru yei yarap.