₹127 klur u pynlut ka sorkar yow e yarap dei baam wa tei neibynta ki 1000 sngi nadooh wa kha yei khonboo

U Montri Rangbah ka jylla, u Conrad K. Sangma ynne da wai paidbah u ya ka Mission 1000 Days yow yarap wow pynoh yei baam wa tei yei doh i pran nadooh wa dang kha yei khonboo neibynta ki 1000 sngi kiwa emkaam bha yow heh u san ki khynnah.

Lyngba kani daw yarap leh ya ka bei nadooh wa punkhon hadooh wa kha kawa daw pynkrehkaam da kiwa boon ki chnat sorkar hei yahkhmat ka Meghalaya Human Development Council deiwa ya embynta ki chnat kam ka Social Welfare, Health & Family Welfare, Community & Rural Development (MSRLS/SRES), Education wa Planning.

U Conrad hawa e yei klam da ong u wa nadooh wa chimkti u ha u snem 2018, kawi kawa hakhmat dooh wa chimkhia u toh yow pynduna yei yap ki manbei heipor wa kha khon kamjooh ki khonboo wei ha ki le snem wa da lai da ye wow pynduna yeini da 50% wei ka thong kattæ toh yow pynduna chooh chooh da 60-70%.

Da ong u leh wa cha ki thaw wa palatsor neidaw wa leh ka dooh ka duk, em ki manbei kiwa da hap wow sdang lai kreh du hadien chi bnai ar bnai wa kha khon hanla ym em kwah ki wow ieh yei khon khlem da pait tangwa ym em laad ki deiwi, kamtæ ka sorkar leh da thooh ko ki laad wow e kyrchaan ya kam kini ki manbei.

Da pyntip u wa neibynta kani ka Mission 1000 Days, da booh bhah ₹127 klur.

Related posts

Mynjur ka VPP yei pyrtuid u Dr. Batskhem Myrboh kam u kyrtong MP

March 31, 2026

Nadooh ka 1 tarik u sdang noh wow leh ya ka Census ka ri India

March 31, 2026

Neiliang u Sampath Kumar, Additional Chief Secretary and Development Commissioner ka sorkar Meghalaya da ong u wa hadooh wa dap ki khynnah ar snem, man i i por wa emkaam bha u heh u san ki deiwa biang neibhah i jabeiñ kamwa 75-80% toh iwa heh ha ini i por.

Kamtæ da kdaw u wa ha kini ki 1000 sngi lada ym yoh yei baam wa biang wa tei, daw ktah ko yei heh i san hadien habood. Deiwa ban joor wa emkaam yei baam wa bha wa miat ymtoh da ki jait baam wym em yarap yei chait i khiah.