Mynsoo joor ki ar ngut hadien wa noh ka Truck chapoh riat ha Ri-Bhoi

Kawi ka Truck kawa kit siej da lai noh ko chapoh riat kawa em ha khlieh chnong ka chnong Ïew-Mawlong, Nongpoh ka Ri-Bhoi District.

Ini da jia i hei miet ka 23 tarik uni u bnai heipor kamwa 8 duna haroh wei ya kani ka Truck da yah da u Bikash Thakur (21 snem) uwa na chnong Edhanpur Nangla ka UP deiwa emlang uwa yarap ya oo, u Mohit Chauhan (25 snem) na ka chnong Moradabad ka UP.

Mar ya poi ha kani ka thaw uwa yah ya ka Truck ym ye de u wow ksoh ya ka kari wei da lai noh u chapoh synrang.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na u Sniawbhalang Dhar

October 25, 2026

Mar ya tip yeini wa jia, ki pulit ka Nongpoh da lai ki wut-wut cha kani ka thaw wei deiwa yarap ki bru paidbah, da ye wow sai ya kini ki ar ngut napoh ka Truck.

Ha ini wa jia, kini ki ar ngut da mynsoo joor ki neibynta ki kjat wei neiliang ki pulit da pynkit ki ki cha Nongpoh Civil Hospital yow pynyoh yei sumaar wei hadien kattu katni por da pynkit noh cha ki thaw sumaar wa em ha ha Shillong.