Sñiawkhia ka HC wow tip wa em boon ki Truck wa chalan mar cha Bangladesh khlem em Number Plate

Ka High Court ka Meghalaya da yoh ko wow pdiang ya ka chithi na kiwa pynsñiaw yei sñiawkhia yei em boon ki Truck nadooh kiwa kit mar wa kiwa kit moo wa kiwi ki mar pohkhyndaw kiwa lai cha Bangladesh khamtam lyngba u NH-206 deiwa tyngkheiñ ya ka aiñ heiwa ka yung bichaar hajrong ini da leh ko da ka Suo Motu Case pyn da ka hi pyrchah ya ka sorkar jylla.

Da pyntip wa ha kani ka chithi da pynbaad wa i kit moo wa kiwi de ki mar toh da ki Truck ki wym em tang ki Number Plate heiwa da soohlang wa ki dur kam ki sabut deiwa ong leh wa da em i tih mar pohkhyndaw pyrchah ya ka aiñ kamjooh i chalan wei ini waroh da ktah ko ya u sarok, kamjooh da ktah ko leh ya kiwa chong chnong najrong i chah pynjæd ka rymaw i wym ye de wow su kylliang da kammon kammon leh.

Ha kani ka chithi da ong leh wa da khang wow tih mar pohkhyndaw ha ki thaw wa man kam ki Sensitive Area, toh u jngai leh 50 meter na ki chnong, ki Highway wa ki tyllong um deiwa yoh bor leh na ka chnat Forest/Wildlife ha ki thaw wa em khloo.

Da ong leh wa i tih mar pohkhyndaw toh u bood leh katkam ka Mining Plan kawa da yoh yei mynjur na ki bor sorkar deiwa yada ya ka ramaw kawa man Scientific.

Ka High Court da ong ko wa lada kamni man ko iwa sñiawkhia lada em ki Truck/Dumper kiwa lai luti khlem da em ya ki Registration Plate lane ki wym em ki kot ki sla wa biang yow kit mar pohkhyndaw. Da ong leh wa da yooluti wa kitu kiwa da pynkit ha ki wow pait yeini i kaam toh u leh ki yei kaamram ki neibhah katkam wa man kattæ ym em leh ki yei kaam yong ki.

Kamtæ da pynngat hapoh kani ka mukotduma deilang ya ka Mining and Geology Department, ka Directorate of Mineral Resources (DMR); ka Transport Department, ka Forest Department; ki District Administration wa Police; ka Meghalaya State Pollution Control Board (MSPCB), ka Revenue and Taxation Department; Union of India, ka Commissioner of Customs, Meghalaya, Shillong; ka Ministry of Environment, Forest and Climate Change, New Delhi wa ki Border Security Force (BSF).

Related posts

Pyndam u Trump yei lai yaklam wa ki heh ka Iran | Sahkut i yaklam yasuk

April 25, 2026

Pyndam ka RBI ya ka License ka Paytm

April 25, 2026

Ka High Court da pynmih ko leh ka hukum wa ki chnat sorkar wa toh u pait yeini wow pyntikna ki wa ki kari wa kit mar ki wym biang ya ki kot ki sla nadooh ka Mineral Transport Challan, ki wym em Number Plate ymtoh u chah u lai ki na ki Land Customs Station wa Forest Department Check Point.

Lada chem ki wym em biang Challan, License wa kiwi ki kot ki sla hap wow kem ki deilang ki mar wa kit ki katkam ka aiñ.

Ki kari hap ki leh wow biang ka PUC wei neiliang ki bor sorkar hap ki leh wow pyntikna wa ki mar pohkhyndaw wa kit ki toh kiwa tih du na ki thaw wa em License u tih wa da e da ki bor sorkar.

Ya ini da chong bichaar da ka Justice Revati Mohite Dere, Chief Justice wa u Justice H.S. Thangkhiew, Judge wei daw chong bichaar biang yeini ha ka 28 tarik uni u bnai.