Ka District Level Inter School Athletic Meet 2026 wa le sngi wa pynman da ka Office ka District Sports Officer (DSO), East Jaiñtia Hills District deiwa ya krehlang wa ka East Jaiñtia District Sports Association (EJHDSA) da sdang ko ynne ka sngi ha Teilang Playground, Dkhiah West.
Da wan wow sakhi ya kani ka sngi wai da u District School Education Officer (DSEO), East Jaiñtia Hills District, u R. Diengdoh deiwa emlang ka District Sports Officer (DSO), East Jaiñtia Hills District, ka Stephanie M Rapsang, ki Principal, kiwa sikai sur wa ki khynnah skur.
Da sdang ya kani ka sngi da ki yalehke Track and Field heiwa da em leh kiwa da ye wow pyndep wei da pynbna leh ya kiwa jop.
Ha ka Under-18 Girls Long Jump- Ka Samjana Phawa na Seiñ Raij Tuber Higher Secondary School da yoh nyngkong ko deiwa kynthiar 3.22 metre, pynbood sa ka Gracy Rasmut na Sanshnong Secondary School hei wa ar kawa kynthiar 3.01 metre katwa hei wa le da yoh ka Hawana Dkhar na Shamsham Secondary School kawa kynthiar 2.99 metre.
Ha ka Under-16 Boys Shot Put- U Reform Dkhar na Shamsham Secondary School da yoh nyngkong u deiwa pakhot 11.10 metre, u Jame Pdein na Sanshnong Secondary School da yoh wa ar u katwa u Saviournass Rymbai na Byndihati Secondary School da yoh wa le u.
Ha ka Under-18 Boys High Jump- U Teibokmi Pdein na Sanshnong Secondary School da yoh nyngkong u deiwa kynthih 1.51 metre, hei wa ar da yoh u Rooneybert Dkhar na Wapung Higher Secondary School katwa hei wa le da yoh u Give Me Well Dkhar na Shamsham Secondary School.
Ha ka Under-16 Girls Javelin Throw – Ka Smiling Dkhar na Sanshnong Secondary School da yoh nyngkong ko deiwa cher ya u soom 20.90 metre, hei wa ar da yoh ka Phiang Dkhar kawa cher da 18.15 meter katwa hei wa le da yoh ka Nipaya Dkhar kawa cher 15.20 metre.
Ha ka Under-18 Girls Javelin Throw- Ka Sathi Phawa na Sanshnong Secondary School da yoh nyngkong ko deiwa cher 17.90 metre, hei wa ar da yoh ka Pawlisa Dkhar na Shamsham Secondary School kawa cher 17.60 metre katwa hei wa le da yoh ka Bhaki Sana na Seiñ Raij Branch UP School kawa cher da 16.35 metre.
Waroh ki skur wa chimbynta da em ki palat 30 tylli.
Discussion about this post