Hadien wa chah tooh ka kor ATM yong ka Meghalaya Cooperative Apex Bank Ltd, Bhoirymbong Branch ha Bhoirymbong, Ri-Bhoi District ha ka 5 tarik uni u bnai, da Register ya ka Case ha Umiam PS C/No. 20(04)2026 U/S 305(a)/331(4)/324(5)/61 (2)(b)/3(5) BNS.
Hawa takit nyngkong da chem chitom u tip ya kiwa emkti heiwa da suba wa em ki damok na kiwi ki jylla leh wa emkti ha ini i kaam.
Kamtæ da sdang ya ka Special Team wa khlieh da u Addl. Superintendent of Police (Crime), Ri-Bhoi wa kiwi ki sahep pulit hapoh i pait u DIG (Eastern Range), Shillong.
Hajrong ini, ka Meghalaya Police deiwa ya krehlang wa ki pulit ka Assam wa Haryana da chem ki ya ki damok kiwa da krehlang wow lai tooh ya ki kor ATM ha kylleiñ ka ri wei ha Meghalaya da dep ki wow lai tooh na Ri-Bhoi, East Khasi Hills, East Jaiñtia Hills wa ha North Garo Hills.
Kini ki bru toh kiwa lai khyndang wei lai ah ya ki ATM deiwa pynemkaam da ki Gas Cutter heiwa yeini da ye wow leh du hapoh kattu katni minit donhi.
Heiyatoh wa ini, ki pulit da yoh ki wow kem ya 6 ngut ki bru wa emkti wow leh yeini i kaam hapoh Meghalaya.
Kini ki damok toh kiwa da pliah bha hei tooh wei da mang ki du ya ki kor wa em ha palatsor wei ha ki thaw wa langam.
Heiyatoh wa ini ki pulit dang pteiñ ki yei takit.
Discussion about this post