U Montri ka chnat Sports and Youth Affairs ka jylla, u Wailadmiki Shylla da chimbynta u ha ka ‘Chintan Shivir of Ministers of Youth Affairs and Sports of States and Union Territories’ namo ka yachemlang ki Montri ka chnat ha ki jylla ka ri.
Ya kani ka yachemlang da pynman ha Srinagar ha ka 24-26 April 2026 heiwa u Montri ka Sports and Youth Affairs, u Dr. Mansukh Mandaviya da man u kam u chongknor.
Ka thong yong kani ka yachemlang toh wow pynku ya ki kaam yalehke khnang wow pynmih ya ki khloor ha ka Olympics 2032.
Neiliang u Minister ka Sports and Youth Affairs ka jylla, u Wailadmiki ha kani ka yachemlang ha Srinagar, da pynbna u ya ki kaam wa da leh khnang wow ye u pynmih ya kiwa yalehke wow rah takma ha ka Olympics 2032.
Hawa e i klam ha ka yalang, u Wailadmiki da pynbna u wa da sdang ya ka STAR Programme—Support for Talent Application in Sports ha ka jylla deiwa kdaw ya ki kattu katni ngut kiwa da pliah ha ki kaam yalehke kam u Henry Sangma wa ka Enriyana G. Momin.
Da khana u wa ha ka India Tribal Games ha u snem wa dadep ka Meghalaya dapoi ko ha 29 wei ha uni u snem won da poi ko ha i kyrdan wa 13.
Chooh chooh da ong u wa 59% na kiwa chong chnong ka Meghalaya toh kiwa hapoh 25 snem i rta wei kamwa yooluti wow pynku ya ki kaam yalehke Sports, ha kani ka kynti hapoh i yahkhmat u Conrad Sangma ya ka bhah ka chnat Sports da pynku na ka Rs. 40 klur ynñiaw snem nachwa cha ka Rs. 884 klur katni wei neibynta ka National Games da pynlut Rs. 2,000 klur heiwa boon na ka poisa toh na ka jylla.
Discussion about this post