Neidaw wa jia i tyrrah kari chah pyndam ka License ka Rooftop Pub wa pawnaam ka Guwahati

Ki bor ka Kamrup (Metropolitan) District da pyndam ko chipor namo Suspend ko ya ka License ka Rooftop Pub wa pawnaam ka Guwahati wa tyngkheiñ ko ya ki kyndon i por wai ha ka 26 tarik.

Kani ka thaw toh kawa tip kam ka ‘D Tipsy Gaon’ (Exoro) kawa em ha Roodraksh Mall, GS Road, Bhangagarh, Guwahati da chem wa wai ko palat yei por wa da chah katkam ki kyndon Excise wei ini wan i hadien wa mih i Video wa mih ki bru na kani ka Pub heipor 3:00 waje i step chwa wow tyrrah kari ha Mathgharia Road heiwa da yap le ngut ki kynthai heipor kamwa 4:30 i step ka 26 tarik u April hadien wa ka kari wa chong ki da chah tyrrah ko ha ka Truck.

U Deputy Commissioner ka Kamrup (Metro), u Swapneel Paul da pynmih u ya ka hukum ha ka 29 tarik hadien wa chem wa wai kani ka Pub hadooh 3:00 waje i step iwa man pyrchah ya ka aiñ neibhah chah wow wai hadooh 12:30 i pyrdi synyaaw katkam ka Indian Made Foreign Liquor (IMFL) ON Licence.

Related posts

Pynbna ka JHADC ya ka thup wa ar ki kur ki jait wa da yoh yei tipmit wa kynthup ya ki Biate wa kiwi de

April 30, 2026

Da chem yei metyap ka khynnah wa ngam ha kchaaid Weisawdong

April 30, 2026

Da phah leh ya ka Excise Department wow pynman yei takit wa bniah heiyatoh wa kani ka Pub wei wow e ya ka bui (Report) hapoh 15 sngi.

Kiwa yap ha i tyrrah kari ha ka 26 tarik kynthup ki ya ka Puja Saha (26) na Goalpara, ka Akanksha Saikia (23) na Sivasagar wa ka Armina Ahmed heiwa da kem leh ya uwa yah ya ka Truck, u Shamim Ahmed na Lahowal ka Dibrugarh District.