Ki pulit ka Search & Rescue Team ynne ka sngi da yoh ki wow sai yei metyap ka khynnah wa dang 15 snem kawa wan na Uttar Pradesh, kawa da tlær wei haap ko ha kani ka kchaaid ha ka 29 tarik uni u bnai.
U Superintendent of Police ka East Khasi Hills, da ong u wa ya i metyap yong ka da chem heipor kamwa 10:00 waje ynne i step wei da kit cha Sohra Hospital wow leh ya ka Post-Mortem.
Kaktam ka khubor wa da yoh, yei metyap kani ka khynnah da yoo nyngkong heipor kamwa 7:30 i step da ki bru kani ka thaaiñ kiwa da lai pyntip cha ki pulit heiwa da ye wow sai ka heipor 10:00 waje.
Kani ka khynnah da haap ko ha kchaaid heipor wa chondur harood yong ka wei da tlær noh ko heiwa da kit ka um ka wut.
Yei thooh ya ka da pynman nadooh ynnin hi ka sngi.
Da wan ko cha Sohra wa ka bei, u pa kamjooh kiwa ha-yung yong ka wow paitke ya kani ka kchaaid wa pawnaam.
Discussion about this post