Chongchit i pyndep ka Dorbar Chnong Chiliangraij ya ka Bamphalar 2026

Ka Dorbar Chnong Chiliangraij, Jowai kam chibynta wow pyndep ya ka rukom dustur wa pynjooh sikai na warim hachwa wow hiar rep hiar riang cha hali pynthor; ha ka 7, 8 wa ka 9 tarik uni u bnai May 2026 hei pait i yoo ka Art & Culture Committee da pyndep ko ya ka Bamphalar.

Ki parom Drama kiwa ki paidbah yoh ki u yoo u sakhi ha ki ar miet yong kani ka Bamphalar ha Chillangraij toh ka ‘Duhai’ wa da thoh da u K.C. Roy Pde wa ka ‘Jubanlak’ wa da thoh da u Sumarlangki Rngad.

Ya ka miet leh Drama wa ar yong kani ka Bamphalar kawa man ha ka 8 tarik da wan wow sakhilang leh da u Thymme Pde kam u kongsan.

U D.H. Pde, Waheh Chnong hei klam yahkhmat da kyrsu kyntu u ya ki khon ka dorbar chnong wow man kiwa imsngi u pynjanai ya kani ka rukom dustur katwa u Thymme Pde won hei klam da khana batai u ya ka yurim yong ka Bamphalar.

Related posts

Dohyap kiwa kreh Forest u thooh wei yarap ya u hati wa sakhut ka chaka Tractor ha rdang u

September 10, 2026

Chah yooh ka khynnah wa kyndeh ke hakhmat yung hadooh wa yap

September 10, 2026

Chooh chooh kiwi ki waheh wasian kiwa da e i klam ha kani ka miet toh u Oriland Shylla, General Secretary wa u Lamphrang Shylla, Secretary Art & Culture Committee.

Ya kani ka Bamphlar da pynkut ha ka sngi wa bood, itæ ka 9 tarik deiwa em ka ya baamdoh sñiawbha ha Yungwalieh da waroh ki khon ka chnong.