Ka yaaw Jowai Trade Fair 2026 wa da pynman ha Madan Wahriong, Mihmyntdu da wai ya ynne ka sngi da u Waheh Chnong ka Mihmyntdu, u Abul Phawa wei ha ka yalang tbian wa pynlai da u Chandbor Ryngkhlem, da yoh leh i duwai kyrkhu kyrdoh na u Fr. Abialstar Kharsohtun napoh ka Bosco Pnar Jowai hei emlang u President ka seiñ JYF u Ymbormi Tariang wa kiwi.
Neiliang u kongsan, u Abul Phawa kamjooh u Fr. Abialstar Kharsohtun da e ki leh yei kyntien kyrkhu kyrdoh wei pyn-eh-daw pyn-eh-nasib ya kani ka yaaw yow man ko kawa man dai man thied, wei ki paidbah wa wan yaaw heini leh u yoh ki ya ki mar ki tiar wa yoongait wa hun ki.
Ha kani ka Trade Fair ye u yoh nadooh ki that ki sula, ki chuki, ki palong, ki siangthiah, ki pyrda, ki tiar kyndeh ke yong khynnah, ki dawai wa boonjait, najrong kiwi won ki tiar pynemkam ha yung.
Ye leh u yoh ya ki jait baam ki jait dih wa boonjait la dei baam ha kani hi ka thaw namo u thied phah song.
Discussion about this post