I su bai Toll Gate chongdor i ar tylli ki kot kari, ong u President ka seiñ kamai Iooksi-Saphai

U President ka Iooksi Saphai Commercial Association, u Kularskem Sariang da ong u wa kiwa boon kiwa kamai kari khyrngiat ki wow yoo ya ka Toll Gate ha Ialong heiwa waroh chi kattu ym em u khrong dan ko na ki kari kamai tangwa katni da man mar dei kangtleiñ wei da sdang biang ki wow khrong poisa.

Da kdaw u wa ki kari na Ri-Bhoi District namo ki ML10 lait ki wow su ya ka dan ha ki Toll Gate wa em ha katai ka District weileh won ha West Jaiñtia hap su ki.

Chooh chooh da ong u wa neiliang ka ADC heipor wa yachem ya ka da kylli ko iyi eh wow su ya ka Rs. 30 heiwa da jubab ki wa kani ka poisa toh nei khih chitom ki.

Related posts

Khut sñiawbha ka Seiñ Raij Tuber cha ka Behdieñkhlam 2026 | Da booh kyndon leh ya kiwa wan chongdai

July 13, 2026

Hapoh ka aiñ POCSO da pynngat ya u Nurse ka NEIGRIHMS uwa jrong kti ya ka kynthai kawa dang dep chah pooid

July 13, 2026

U Kularskem da ong u wa ka sorkar pyrkhat ko du ya ka poisa yong ka katwa ym pyrkhat ko yei hiar ka khih ka khan ka kamai kajih katni kamjooh leh wada boon ki kari kamai najrong wa hap u su ka Road Tax, ka bai kot ha u DTO neitæ ka bai Parking wei lada kheiñ u su bai Toll Gate haka chi snem dapoi ko hadooh Rs. 10,000 iwa da chongdor ar tylli ki kot kari hawa pynthymme.