Neiliang ka DC ka East Khasi Hills District da pyntip ko wa i pynchna ya ka yingkieñ Umiam wa em ha u sarok Bypass da pyndep ka wei daw wai ka ha ka 13 tarik uni u bnai May deiwa chah wow pynemkaam da waroh ki jait kari kamai wa kynthup nadooh ki Night Super yow lai na Umiam cha Shillong nadooh ka 14 tarik u May, 2026.
Heiyatoh wa ini wa i rukom lai ki kari na kani ka yingkieñ Bypass da booh kini ki kyndon ha wah:
Ki kari kamai wa kyntup ya ki Night Bus u chah u lai ki nadooh 9:00 PM hadooh 7:00 AM man-ka-sngi.
Ym chah u lai ki kari wa taanlang boon tylli na uni u sarok.
Du ki kari wa em hadooh 3 Axle heiwa ar chaka em ki hakhmat u Axle wa 8 tylli ki chaka ha ki 2 tylli ki Axle wa em chadien u chah u lai ki wei ymtoh u em ki palat 28.5 Tonnes i khia.
Waroh ki Night Super hap ki wow pynyieñ ha ka Inter-State Bus Terminal wa em ha Mawiong.
Yme chah wow pynyieñ ha SRGT, Polo, ha Shillong Municipal Board Parking wa em ha Dhanketi, ha tymbud u Itshyrwat-New Shillong Road, ha Shillong-Jowai Road kamjooh ha kiwon kiwon ki thaw wa em ha Shillong lait noh ha ISBT Mawiong.
Discussion about this post