Pynbaad u manpa wa chah dat u khon hadooh wa yap ha u waheh chnong wa ki VDP

U pa yong u Trophimos Khongmawloh (27 snem), uwa tip kam u Netnobiweit Khongsdoh na ka chnong Pynter, da kyntu u ya ki bor pulit wow pynchitom ya kitu kiwa emkti wow pynyap ya u khon u.

Hawa yaklam wa kiwa thoh khubor ynne, uni u manpa da khana u wa da yoo u yei mih snaam wa joor bha i khlieh u khon u hawa pait u yei metyap u khon.

Da pyntip u wa da lai booh FIR u ha Sadar Police Station, Shillong ha ka 8 tarik uni u bnai hadien wa chah dat chah bom u khon u hadooh wa yap hapoh ka Dorbar Hall ka Pynter hei miet ka 7 tarik.

Da pynbaad u wa ya u khon u da dat da bom da u waheh chnong, u Fullmoon Khongsdoh deilang wa kiwi ki dkhot ka Defence Party (VDP) ka chnong Pynter kawa em hapoh ka Pynursla Sub-Division, East Khasi Hills.

Related posts

Phah ka Consumer Court ya ka Maruti wow e da ka kari thymme ya uwa ujor wa sih ka kari neiwa pynemkaam yei phñiang E20

July 16, 2026

U hær noh ki lieñsuiñ na Guwahati cha Dubai wa Abu Dhabi | Da sdang dai Ticket

July 16, 2026

Da khana u wa yei metyap u khon u da em wa wan booh ki cha yung deiwa song hapoh churia wei manda yoo u yei metyap da chem wa i khlieh toh iwa sa du i snaam.

Chooh chooh da pyntip u wa kiwa chong chnong da ong ki wa yap u khon u neidaw wa dih bih, tangwa hadien wa yoo u yei Video wa chah dat u khon u, ym ngait de u yeini deiwa ong bait u wa chah pynyap u khon u deiwa chah dat deiwa joor bha.

Kamtæ da dawa u na ki pulit wow leh yeiwa emkaam deiwa pynchitom leh ya kitu kiwa emkti wow pynyap ya u khon u.