Ha iwi i jia tyrrah kari wym poi pyrkhat ha chnong Murlu, Mahabubnagar District ka Telangana, heiwa i Video wa pynyoo yeiwa jia da poor bha ha Social Media hadien wa yap kawa yah scooty nei wai syndet ya ka dwar ka kari wa sangeh.
Ini da jia i ha ka 16 tarik uni u bnai wei ya kani kawa yah Scooty da kit cha thaw sumaar wei neitæ cha TX Hospital ha Hyderabad tangwa da yap noh ko wei ini da wanrah i yei chrai, sñiawsih wei yañia hajrong i chngaaiñ ki sarok wei wai syndet ya ka dwar khlem pait chwa chadien.
Ha i Video da yoo wa wai syndet ya ka dwar ka kari rong soo iwa pynman ya ka Scooty wow tyrrah ya ka dwar wei wow haap cha madan.
Kiwa boon da ong ki wa i wai syndet ya ka dwar ym yoh por de kawa yah Scooty wow sangeh næ dong chawi.
Ya kawa yap da tip kam ka Priscilla kawa 45 snem wei kreh ko kam ka Nurse ha Mahabubnagar Government Hospital.
Heiyatoh wa ini da Register ya ka Case ha Mahabubnagar Rural Police Station hapoh ka Section 106(1) pyrchah ya kawa yah ya ka kari.
Discussion about this post