Kiwa kyrchaan ya ka Public Hearing ka Shree Cement kiwa na ka Elaka Nongkhlieh deilang ka United Joint Action Committee hei yahkhmat u Daowanhi Rymbai kam u Chairman, da pyntip u wa ynne da pynman ki yei lai kjat (Peace Rally) nadooh na 1 Kilo hadooh wow lai cha yung krehkaam u DC ha Khliehriat tangwa da maad ki yei pynyoo bor ha ki pulit.
Da ong u wa hawa mut wow psiah chapoh, da khang ya ka Gate wei da em chwa ki bru wa mut wow pynkulmar hakhmat ka Gate wei ym tipmit ki wei kiwa neiwon kini ki bru kiwa poi chwa hakhmat ka Gate hadooh wa poi chei pynyoo bor hapyrdi ki paidbah wa ki pulit ha kani ka thaw.
U Daowanhi da beiñ joor u leh yeini wa chah sympat lathi ha ki pulit neibhah ki paidbah kwah ki wow pynyoo donhi yei sñiaw yong ki.
Da pyntip u wa hadien wa khut yaklam ya ki da u ADC wa u DSP, da ong ki wa da em chwa kiwa wan yakhih hakhmat ka Gate wei da sñiawthooh bakla ki pulit yei wan yong ki neibhah wa da tyngkhooh chirup, kamtæ da kyrpaad ya ki paidbah wow maap yei bakla ki pulit.
Neiliang kiwa kyrchaan ka Shree Cement da dawa ki wow pynman da ka Inquiry wei wow Suspend leh ya kitu ki pulit kiwa pynemkaam bakla u dat u choh ya ki paidbah kamjooh wow su bai lutsan cha kiwa mynsoo.
Heiyatoh wa ka sngi pynman Public Hearing da kyntu ya ki bor District wow pynbiang ki ya ki bor pulit yow lait u jia iwon iwon.
Puræ leh: Bom ki pulit ya kiwa kyrchaan ka Shree Cement ha Khliehriat
Discussion about this post