Ynne i step da wanrah yei metyap ka bru kawa na ka chnong Rongjeng, East Garo Hills kawa tip kam ka Kresitha G Momin kawa da khlaad ha Dubai wei dapoi i metyap ko ha New Delhi.
Na Delhi won daw wanrah yei metyap cha Guwahati heiwa daw ekti cha kiwa ha-yung yong ka wow kit noh cha Rongjeng.
Ha Delhi Airport Cargo Terminal, ki sahep ka Meghalaya House Delhi da booh syntu ki ha ka synduk neibynta u Chief Minister, u Conrad K Sangma.
Ka Kresitha toh kawa sikai Violin wei kreh ko ha Dubai heiwa ha ka 15 tarik uni u bnai da yoh chitom u klongsnaam ko wei da kit ya ka cha Hospital ha Dubai tangwa da yap noh ko ha ka 21 tarik.
Neiliang u Conrad da phah u ya ki kyntien sñiawlem cha kiwa ha-yung ka Kresitha.
Discussion about this post