Ka sorkar pyrdi da pynmih ko ya ka hukum wow khang u dai chiboon i Diesel chisien dai cha ki bru ha ki Petrol Pump khnang wow pynmeh wei pyndap yei emkaam ya ini i phñiang neibynta 90 sngi.
Katkam ka hukum, da khang wow dai palat 200 litre i Diesel cha uwi u bru næ ka kari ha ka chi sngi.
Da khang leh wow dai pateiñ ya i phñiang Diesel wei yeini da leh khnang wow yoh yei Diesel salonsar waroh ki bru.
Yeini da leh khnang wow dap phñiang ki Petrol Pump wa pynemkaam da ki bru paidbah katwa kiwa jooh pynemkaam chiboon ye ki wow thied kamwa jooh thied ki nachwa.
Ki Company phñiang kam ka Bharat Petroleum Corporation Limited (BPCL), Hindustan Petroleum Corporation Limited (HPCL) wa Indian Oil Corporation Limited (IOCL) ye ki u sakhi yei kylla hei rukom poi i phñiang.
Ini waroh da leh neidaw wa em ka thma ha Middle East heiwa da chah ktah i rukom poi i phñiang chapoh ka ri India.
Discussion about this post