Ynne ka sngi ka Finance Minister ka ri, ka Nirmala Sitharaman da wan wai ko ya u sarok Jowai-Nartiang-Kdiap-Khanduli uwa da chna nei yoh poisa na ka New Development Bank ha ka yalang wa pynman ha Wahiajer Stadium.
Uni u sarok toh uwa jrong 59.59 Km wei da chna ya oo hei lut wa Rs. 59 klur tam.
Ha ka yalang da emlang u Symbood Montri Rangbah, u Sniawbhalang Dhar, u Montri i puræ puthi, u Lahkmen Rymbui, u Montri ka chnat Sports, u Wailadmiki Shylla uwa da e leh ya ki kyntien pdiang burom.
Neiliang u Sniawbhalang Dhar hawa e i klam da sñiawkmen u wa wan ka Nirmala cha ka thaaiñ wei da yaroh u ya ka nadooh wa man ko kam ka Finance Minister ka ri, ka jylla da yoh myntoi ko chiboon deiwa kdaw ya ka Wahiajer Stadium wa da chna lyngba ka poisa na ka sorkar pyrdi.
Chooh chooh da yaroh u ya ki Montri ka sorkar NDA wa wan ki cha ka jylla kamjooh cha ka thaaiñ chaneiñ mihsngi ka ri heiwa da kdaw wa nachwa ka sorkar India jngai ko na ka jylla tangwa katni da ka hi wa wan cha ka jylla.
Ha ka yalang da em leh i yaklam wa ki khynnah ka Kiang Nangbah Government College kamjooh i yachem wa ki khynnah wa yalehbol hapoh ka Wahiajer Grassroot Centre.
Ka Nirmala neini da lai ko leh na Shree Maa Jayantee Devi Mandir wa ka Kpær Moopynyieñ ha Nartiang neitæ cha Larnai wow yachem wa kiwa chna kchu Larnai.
Discussion about this post