Kyntu ka HBDRF ya ka Regional Committee wow hiar cha Mukroh ymtoh kam nachwa

Ka Hynñiewtrep Border Dispute Redressal Forum (HBDRF) da kyntu ko ya ka sorkar jylla wow lai katkam ki kyndon wa da booh heiyatoh wa ka Block-I wa Block-II, deiwa pait bñiah ya ki kyndon wa da booh da ka sorkar hi.

Hawa pynsñiaw wa ha ka kylla wa nyngkong, ka sorkar MDA da booh ko ya kam kini ki jooh ki kyndon, neiliang u Chairman ka HBDRF, u Chandame Sungoh da pynsñiaw u yei sñiawsih wa ka Regional Committee ka West Jaiñtia ym em lai ki hadooh ki thaw wa kajia, wot tang ha Mukroh næ Barato leh ym em lai ki, wei da phah pathan ki du da ki bru ka thaaiñ wow e ya ka Report.

Related posts

Pyntikna ka MeECL wym duna bordiñ hanla duna u slap leh

July 3, 2026

Khang ka sorkar wow dai ya i umsoh Sting hajan ki skur

July 3, 2026

Da pyntip u wa ka Forum ynne ka sngi Thohdieñ da e kti ko ya ka chithi ha u Montri Rangbah ka jylla wa ha u Symbood Montri Rangbah wa pait ya ka Regional Committee ha West Jaiñtia Hills, u Sniawbhalang Dhar wow kyntu ya ka sorkar wow pait bñiah ya ka Block-I wa Block-II wei wow wanrah leh ya ka Report katkam ki kyndon wa da booh wow pynbait pood.

Heijooh i por u Chairman ka Forum da pynsñiaw u yei sñiawngooh ya ka sorkar kawa da pyrchang wow pynbait ya u pood u saam wa ka Assam, deiwa chna thymme biang ya ki Regional Committee pynbait pood wei da kyntu u wow lai hiar ki dkhot ka Committee cha ki thaw wa em i ya kajia ymtoh kam heipor ka Committee warim.