Ka sorkar ym e laad ko wow tih Uranium lada ym mynjur ki paidbah: Sniawbhalang

Ka sorkar Meghalaya da ban biang ko wa la kammon kammon leh ym chah wow tih ya u Uranium na ka jylla khlem da mynjur ki paidbah.

U Symbood Montri Rangbah, u Sniawbhalang Dhar hawa klam ynne ka sngi da ong u wa ka sorkar jylla ka yieñ ko ha ka jooh ka yurim wa ym chah u tih ya u Uranium lada ki paidbah wa chong chnong ym kwah ki.

Da ong u wa ka khubor kawa che cha ki paidbah toh wa ka sorkar ym e laad ko wow tih Uranium hapoh ka jylla.

Ini i ong u Symbood Montri Rangbah toh hadien wa ka Khasi Students Union (KSU) da pynbaad ko wa da em i pyrchang wow leh buit tooh hawa yatoh wa u Uranium neibhah ka sorkar klam ko deiwi tangwa leh ko da kamwi.

Related posts

U e wai ka sorkar yei thaw wa heh 19.99 Acre cha ka Northeast United FC yow booh ko ya ka Football Academy

October 27, 2026

U thied ka sorkar ya ki hali ha Mawkhanu ha i dor Rs 13.78 klur neibynta ka Knowledge City

October 27, 2026

Heiyatoh won wa i pynbaad wa em ki heh spah kiwa thmu thied thaw ha thaaiñ Domiasiat wa em u Uranium khnang wow yoh chwa yei thaw yow e laad u tih Uranium, u Sniawbhalang da ong u wa hadooh kattæ ym tip u iyi iyi ya kani ka khubor.