U thied thaw ka sorkar ha Thadmuthlong yow booh ya ka karkhana chirmit wa chongdor Rs.187 klur

Ka sorkar Meghalaya da chim rai ko hapoh ka Cabinet Meeting ynnin ka sngi wow thied yei thaw wa heh 3.972 Acre ha Thadmuthlong wa em hapoh ka Laskein Block ka West Jaiñtia Hills yow chna ya ka Integrated Lakadong Turmeric Processing Plant.

Yow booh ya kani ka karkhana da kyrchaan da ka Ministry of Development of North Eastern Region (DoNER), heiwa da pynchlur ya ki jylla ka thaaiñ chaneiñ mihsngi wow jied uwi u mar wow rah lama ya ki yow pynbna naam yei pyrtuid ka jylla.

Kamtæ ka Meghalaya da jied ko ya u chirmit wa da tip pyrtuid kam u Lakadong Turmeric, uwa man uwa miat bha wei da tipmit ya oo hapoh ka ri wa ha ki yaaw ki haat ka pyrthai.

Deiwa em kani ka Integrated Processing Plant daw yarap ko wow pynmih boon jait ki mar na uni u chirmit yow pynlai yaaw ki wei kani waroh toh kawa daw pynlut hadooh Rs. 187 klur heiwa kawa boon toh kawa daw wan na ka sorkar pyrdi katwa ka sorkar jylla daw e ko kamwa Rs. 30-35 klur wei yow thied yei thaw da antaad u lut Rs. 1.7 klur.

Related posts

Ha Nongpoh da sdang i kreh yei thaw noh jhep, neibynta ka Shillong dapoi cha HC, ya ka Jowai won da jied 3-4 tylli ki thaw

July 9, 2026

Hei dor wa Rs.1 lak chi Hectare u dai ka sorkar yei thaw wa heh 50 Acre yow booh ya ka St. Xavier’s University

July 9, 2026

Da pynkynmoo u leh wa ya kani ka Lakadong Turmeric Mission toh kawa da sdang 6 snem nachwa kam chibynta ka thong ka sorkar wow pynman ya ka Meghalaya kam ka pdeiñ ka yaaw ka haat ka pyrthai neibynta uni u chirmit Lakadong.

Ha iwi won i liang da pyntip wa ka Second Phase ka IT Park, Umsawli yow booh ya ki Plug and Play Spaces, ka Cafeteria wa ka Auditorium kawa emkaam sa Rs. 36 klur da mynjur ka wei lada jia wa ku dor da 25% na iwa mang daw emkaam wow yoh yei mynjur na ka Cabinet.