Pyndam ka Meghalaya High Court ya le tylli ki Case POCSO

Ka Meghalaya High Court da pyndam ko ya le tylli ki Case POCSO wa Register ha u 2022 wa 2023, deiwa ong wa i pynchitom ym myntoi i neibhah wa uwa chah ujor wa kawa ujor da sahlang ki chi yung. 

Ka Chief Justice Revati Mohite Dere da e hukum ko ha ka 6 tarik uni u bnai deiwa ong wa ka hukum wa mih ha u March wa u April 2026 ha ka Case u Shalenbor Wahlang da man ko kam ka nongmuna wa ban joor yei man kyrpang ka Meghalaya heiwa kammon i hiar pateiñ man i.

Ka High Court da pyndam ko ya ka FIR No. 101(7)/2022 pyrchah ya u A. Kharmyndai heiwa ka Legal Services Committee da ong ko heipor wa jia, u chynrang em u 19 snem katwa ka kynthai won 16 snem. Katni da em ki ya ka khon wa 3.5 snem wei da pyrkhat ki leh wow bia wei ka kynthai da sah ko wa oo dei ngait yong ka hi.

Kawa ar won toh ka FIR No. 19(02)/2023 pyrchah ya u J. Sun heiwa ka bei ka kyntjai da ujor ko heipor wa ka kynthai em ko 17 snem. Ka Committee da ong ko wa katni ki chijur da em ki 24 wa 20 snem wei em ki ya kawi ka khon wei sah ki ha Nongmensong. Da bia ki ha yungmane ha ka 4 tarik u July 2026. Heiwa ka bei wa kani ka kynthai ym em wit ki wow tynyap ya ka Case.

Kawa le toh ka FIR No. 16(2)/2023 pyrchah u T. Sad wa khut sin u R. Syiem heiwa da ujor da u ma ka kynthai. Kini ki chijur da em ki katni 25 wa 19 snen wei sah ki ha Umpling wei da bia ki hapoh ka Special Marriage Act ha ka 29 tarik u June 2026. Da dooh ki yei khon heipor wa pun wei ka kynthai toh kawa lai Class X heiwa da ong ko wa kwah ko wow sah wa oo wei hadien kwah ko wow lai puræ thaiñ.

Ka High Court da ong ko wa lada kset ya ki chynrang daw ktah i ya ki kynthai wa ki khon ki. 

Kamtæ da phah ko ya ka DCPO wa DLSA, East Khasi Hills wow yarap u yoh myntoi na ki 15 tylli ki Scheme wa kynthup ya ka Nirbhaya Fund, Mission Vatsalya, Ayushman Bharat kamjooh hei puræ puthi.

Related posts

32 tylli ki chnong wa chah ktah nei joor u slap ha kini ki sngi ha Meghalaya

July 11, 2026

Du 30 Second i riñ mynsien da ka Carbon Monoxide yap ki 5 ngut hapoh ka thlu um wa yillu 33 ft ha Shillong

July 11, 2026

Ya ka bai lutsan hapoh ka Meghalaya Victim Compensation Scheme toh u booh hapoh ka FD hadooh wa dap ka kynthai 25 snem.

Ka Report wa bood yeini wa da phah namo ka Compliance Report toh u e kti ha ka 7 tarik wa 9 tarik u September 2026.