Khut ka HSYF ya ki khon ka Elaka Sutnga wow mih paidbah yow pyrchah ya ka Public Hearing ka Shree Cement

Ynne ka sngi ka Hima Sutnga Youth Federation (HSYF) yong ka Elaka Sutnga da pynman ko ya ka yalang paidbah ha yung dorbar ka Elaka Sutnga neibynta wow pyrkhat heiyatoh wa ka Public Hearing yong ka M/s Shree Cement Ltd ka kawa daw pynman ha ka 31-07-26.

Ka sur wa thai kawa mih na kani ka yalang da rai ko u pyrchah ya kani ka Public Hearing katkam ka rai yong ka Dorbar Elaka Sutnga kawa man ha ka 19-05-26 na i daw wa chi bynta na kani ka thaw tih moochuni ka Shree Cement haap ko hapoh ka Elaka Sutnga wei hadooh ynne ka sngi ym pu em ka pynbait pood hapyrdi kini ki ar tylli ki Elaka.

I kwah yong ka HSYF wa ka Elaka hi waroh kawi toh u pynbait chwa ya u pood u ang da ka luti wa khooid wa bha deiwa hunlang waroh ki ar tylli ki Elaka.

Ka HSYF, dei mynsien wa em i kitkhlieh neibynta i kaam yong ka Elaka, da khut da wer ko ya phi ki khon yong ka Elaka Sutnga waroh nadooh ki khynroo chynrang wa kynthai deilang ki waheh wow sñiawbha phi u ya mih paidbah ha ka 31-07-26 wow ya pyrchah ya kani ka Public Hearing kat wym pu ye u pyndep yei pynbait pood ki ar Elaka.

Related posts

Chah beiñ joor u Wanbun N Dkhar ha ka ARM wa kyrchaan u ya ka Shree Cement | Uwa man kam u Adviser ka seiñ

July 28, 2026

Chah jrong kti kawi ka khyllood ha u Lawyer ha Shillong | Pynthap yabor u Rs. 500 yow lait ko u khana bru

July 28, 2026