Pynkup burom wei e ka sorkar da ka poisa cha u Driver wa u Conductor ka Bus wa chah dat moo

Ka sorkar Meghalaya lyngba ka Department of Urban Affairs, ynne da pynkup burom ko ya u Fullmoonwell Lyngdoh (Driver) wa u Banmanbha Marwien (Conductor) ka Electric Bus “Ka Bos Jong Ngi”, neidaw wa chlur wei pyrkhat ki ya ki paidbah wa em hapoh nei jia chah kawang moo ki iwa da jia ha Wahkdiat, Nongmensong.

Ini toh iwa da jia ha ka 19 tarik uni u bnai heipor kamwa 5:51 i janmiet wei kani ka Bus toh kawa em Number ML-05AH-5045, kawa kamai ha ka luti na Air Force cha IIM, wei da yachem ko wa kiwa lai Rally manda poi ha Wahkdiat. Heini da chah kawang moo hadooh wa piah ka yit kawa nakhmat iwa da booh leh hei maa ya waroh kiwa em hapoh.

U Fullmoonwell Lyngdoh (Driver), da khana u wa nyngkong da pynsuki u ya ka Bus deiwa booh ka cha rood yow lait kiwa yah ar chaka u lai tangwa syndet syndet da chah kawang moo ki, kamtæ da phah u ya kiwa chong hapoh wow dem wow rieh ki.

U Banmanbha Marwien (Conductor), da khana u wa ym em tieñ u hawa toh ka Bus da ki moo wei da phah u ya kiwa em hapoh wow chong ki ha khyndaw wei wow dem  ki.

Related posts

I dai yei phñiang u lai i kamwa jooh hi | Hap booh bhah neibynta ki kari wa leh ya ki kaam wa jhan

August 21, 2026

Kat i pynman Rally, ileh ymtip chwa ka sorkar iyi wow jia: Dr. Mukul 

August 21, 2026

Neiliang ka sorkar da e ko ya kini mar ₹10,000 samen.

Ka Wanrilin A.M. Booth, IAS, Secretary, Urban Affairs Department, da ong ko wa kini ki ar ngut pyrkhat ki yei bha i miat yong kiwi khlem da pyrkhat chwa neibynta yong ki wei deiwa stat ki u pyrkhat da lait kiwa chong hapoh nei jia wa sñiawsih wei kam ka sorkar sñiaw sarong ko ya ki.

U Sainpyniar S. Syiemlieh, MCS, Secretary, MUDA, da pyntip u wa ha katai ka sngi da pynduna ya ki Bus wa lai kamai deiwa tieñsar ya jia iyi iyi neidaw wa em kani ka Rally.