Uwa yahkhmat ka Liang Pyrchah, u Dr. Mukul Sangma da kynthah joor u ya ka sorkar MDA-2 hajrong i mih i huri hura nei lai Rally ka Khasi Students Union (KSU) ha ka 19 tarik ha Shillong.
Hawa yaklam wa kiwa thoh khubor ynne ka sngi, u Mukul da beiñ u ya ka sorkar wym ye ko wow leh yeiwa emkaam chwa wow mih iwon iwon i awri deiwa pynkhreh chwa wot hadien wa da yoo ko yeiwa chrai ki khon khynroo nei leh mutlop ka sorkar.
Da kylli u leh na ka sorkar yei wym tip ko wow thooh stat wa ye wow jia i wym sñiawsuk ha katai ka sngi deiwa ong leh wa ym sñiawkhia ka sorkar yeiwa pynsñiaw ki khynroo.
Da sñiawkhia u leh yei kynaaad wa ki kari na Meghalaya da chah khang ki wow psiah cha Assam wei ini toh nei tlot ka sorkar wow lai da ka luti wa biang deiwa kynthah joor leh ya ki sahep wa heh du i ñia wa ka aiñ u leh ko ya i kaamram wei da kylli u kammon u kreh ka aiñ hawa ka sorkar toh ka wym ye u leh yei kaam.
Chooh chooh da maham u ya ka sorkar yei man i long wa daw ktah i yei dur i dar ka Meghalaya kawa jooh maya yei suk i saaiñ deiwa kyrpaad leh ya ki paidbah wow kiar nei pynchit næ wow wanrah yei sñiaw yaphær.
Discussion about this post